रमेश खरेललाई काठमाण्डौमै फर्काउन निर्वाचन आयोगको निर्देशन

१९ जेठ, काठमाण्डौ । निर्वाचन आयोगले काठमाण्डौको प्रहरी प्रमुखबाट हटाएर अघोषित निलम्बनमा राखिउका एसएसपी रमेश खरेललाई पुरानै जिम्मेवारीमा फर्काउन गृहमन्त्रालयलाई निर्देशनात्मक पत्र पठाएको छ । गृहमन्त्रालयको दवावमा खरेलको काज सरुवा गर्ने प्रहरी प्रधान कार्यालयको निर्णय चुनावी आचार संहिता विपरित भएको भन्दै निर्वाचन आयोगले खरेललाई पुरानै जिम्मेवारीमा फर्काउन निर्देशन दिएको हो । यस अघि रमेश खरेललाई काज सरुवामा मुख्यालयमा तान्ने प्रयासलाई पनि आयोगले अवरुद्ध पारिदिएको थियो । प्रहरी अधिकृतहरु बढुवा पाउन पैसाको सुटकेस बोकेर शक्तिकेन्द्र धाएको भन्ने अभिब्यक्ति कार्यालयले खरेललाई सोधपुछका लागि भन्दै तानेको हो । खरेलले विवादास्पद अभिब्यक्ति दिएर अनुशासन उल्लङ्घन गरेको भन्दै गृहमन्त्रालयले दवाव दिएपछि प्रहरी प्रधान कार्यालयले खरेलवारे छानविन गर्न छानविन समिति नै गठन गरेको थियो ।

डिआाइजी विज्ञान शर्माको संयोजकत्वमा गठित समितिले खरेलसँग उक्त अभिब्यक्तिका विषयमा बयान लिइसकेको बताइएको छ । यद्यपी खरेललाई काज सरुवा गर्ने गृहमन्त्रालयको प्रयास निर्वाचन आयोगका कारण रोकिएपछि प्रहरी प्रधान कार्यालयले उनलाई के कारवाही गर्ने भन्ने विषयमा टुङ्गो लगाएको छैन । खरेललाई कारवाही गर्न लागिएको विरोधमा नागरिक समाज र राजनीतिकस्तरमै समेत विरोध भैरहेको छ । सत्य कुरा उजागर गर्दा इमान्दार अफिसर रमेश खरेललाई कारवाही गर्न खोजिएको भन्दै गृहमन्त्री बामदेव गौतमको चौतर्फी आलोचना भैरहेको छ । एकीकृत माओवादीका नेता डा.बाबुराम भट्टराईले समेत रमेश खरेलले बोलेको कुरा सत्य भएको र प्रहरी बढुवामा पैसाको चलखेल भएको भन्दै कारवाहीको विरोध गरेका थिए । खरेलको पक्षमा रहेकाहरुले आइतबार राजधानीमा जुलुस निकालेका थिए भने फेसबुकमा खरेल बचाउ अभियान समेत चलाइरहेका छन् । स्रोत: नेपालिहेडलाइन

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal

from nPnews Videos http://ift.tt/1p0DGlD

via IFTTT